Іri oıynshylar shetel valıýtasyn kelisimshart mindettemeleriniń aıasynda ǵana satyp alsyn - Toqaev

NUR-SULTAN. QazAqparat – Іri ınstıtýtsıonaldyq oıynshylar shetel valıýtasyn óziniń kelisimshart mindettemelerin oryndaý aıasynda ǵana satyp alýy kerek. Qazaqstan halqyna kezekti Joldaýyn joldaǵan Prezıdent Qasym-Jomart Toqaev osyndaı nusqaý berdi, dep habarlaıdy QazAqparat tilshisi.

«Álemdegi sońǵy jaǵdaılar teńge baǵamyna qatty qysym jasady. Ol sizderge jaqsy málim. Valıýta naryǵyndaǵy turaqsyzdyq kapıtaldy kóleńkeli transshekaralyq aǵyndar arqyly syrtqa shyǵarýmen baılanysty. Sondyqtan, qarjy salasynda syrttan satyp alýshylardyń da áserinen týyndaǵan spekýlıatıvtik suranysty tómendetý kerek», - dedi Memleket basshysy.

Sondaı-aq, ol eldegi iri kompanııalardyń shetel valıýtasyn satyp alýy da baqylaýda bolatynyn eskertti

«Aldyńǵy kúni men valıýtany shetelge áketýdi shekteýge múmkindik beretin arnaıy Jarlyqqa qol qoıdym. Іri ınstıtýtsıonaldyq oıynshylar shetel valıýtasyn óziniń kelisimshart mindettemelerin oryndaý aıasynda ǵana satyp alýy kerek», - dedi Prezıdent.