Іri qurylys barysynda paıdalanylǵan joldardy jóndeýge bıýdjetten arnaıy qarjy bólinedi - Qasymbek
Parlamenttik tyńdaý kezinde senator Qýanysh Aıtahanov elimizdiń kóptegen óńirinde jańa jol, jańa qurylys nysandaryn salý barysynda oblystardaǵy, aýdandardaǵy jap-jaqsy joldardyń búlinetindigin atap ótti.
«40, 50 tonnalyq mashaınalar júrip, ol joldardy ezip jiberedi. Sebebi, ol joldar ondaı júkke eseptelinbegen. Qurylys bitkennen keıin joldar sol kúıinde qalady. Onyń barlyǵy oblystyq, aýdandyq bıýdjettiń moıyna ilinip qala beredi. Osyndaı jaǵdaı respýblıkada kóp kezdesedi. Bul másele keleshekte qalaı sheshiledi? Múmkin iri qurylys salalar aldynda sol joldy paıdalaný úshin respýblıkalyq bıýdjetten qarjy bólinýi qajet shyǵar. Máselen Batys Eýropa Batys Qytaı joly salyndy. Búkil Jambyl, Ońtústik Qazaqstan oblystary jolynyń byt-shyty shyqty. Al onyń bárin qalpyna keltirý úshin birneshe mıllıardtaǵan aqsha kerek. Ony oblystyq bıýdjet kótere almaıdy. Kóksaraı sý rettegishin salǵanda da solaı boldy. Osyǵan baılanysty keleshekte oblysaralyq, aýdanaralyq joldarda jóndeý máselesi qalaı sheshiledi?»,- dep surady senator mınıstr Qasymbekten.
«Suraǵyńyz oryndy, ondaı másele bar. Batys Eýropa Batys Qytaı jolyn salǵanda Jambyl oblysynda, Ońtústik Qazaqstan oblysynda siz aıtqan máseleler týyndaǵan. Qazirgi kúni ol jumystardyń barlyǵy jobaǵa qosylady. Merdiger mindetti túrde respýblıkalyq mańyz bar joldy salsa, onda aınalma jol salýy kerek. Ondaı múmkindik bolmaı jergilikti joldy paıdalansa, jobaǵa sol aqsha qosylady. Sodan keıin ol aqshany mindetti túrde ákimshilikke qaıtarý kerekpiz. Bul máseleni sheshýdemiz»,- dedi mınıstr.