Іri kompanııalar óz mamandaryn ózderi oqytýy tıis - Úkimet basshysy
ASTANA. 4 maýsym. QazAqparat - Іri kompanııalar óz mamandaryn ózderi oqytýy tıis.
Bul týraly búgin Úkimet otyrysynda QR Premer-Mınıstri Serik Ahmetov aıtty.
Úkimet basshysynyń atap ótýinshe, qazirgi ýaqytta qurylysy qarqyndy júrip jatqan elordanyń ózinde atalǵan saladaǵy bilikti mamandardyń tapshylyǵy baıqalady. Tipti dánekerleýshi men kranshynyń ózin izdep tabý qıyn. Al tapshy mamandyqqa jumysshylaryn oqytýǵa qurylys kompanııalar qulyq tanytar emes.
«Nelikten qurylysshylar bul mamandyqtar boıynsha ózderi jumysshylar daıyndamaıdy? Egerde orta kompanııalar bolsa, onda birigip, bir ortalyq qursyn. Olaı bolmaǵan jaǵdaıda iri kompanııalarǵa aqsha tólep, olardyń ortalyqtarynda óz mamandaryn oqytsyn. Bul másele Erbol Turmahanuly sizge, Bilim jáne ǵylym mınıstri Baqytjan Jumaǵulovqa jáne Indýstrııa jáne jańa tehnologııalar mınıstri Áset Isekeshevke baǵyttalady», - dedi S.Ahmetov.
