Іri kompanııalar qoldanyp otyrǵan elektrondyq saýda tájirıbesin orta jáne shaǵyn kásiporyndarǵa da taratý kerek - N.Radostovets
ASTANA. Shildeniń 30-y. QazAqparat - «Іri kompanııalar qoldanyp otyrǵan elektrondyq saýda tájirıbesin orta jáne shaǵyn kásiporyndarǵa da taratý kerek», - dedi respýblıkalyq Ken óndirýshi jáne ken-metallýrgııalyq kásiporyndar qaýymdastyǵynyń basshysy Nıkolaı Radostovets jýrnalısterge bergen suhbatynda.
Onyń aıtýynsha, salanyń birqatar negizgi kásiporyndary, olardyń qatarynda álemdik naryqtaǵy Qazaqstannyń brendteri bolyp tabylatyn «Qazhrom», Eurasian Natural Resources Corporation, «Qazaqhmys» jáne t.b. kásiporyndar bar, birtindep elektrondyq saýdaǵa aýysyp keledi. Olar óz saýdalaryn Internettegi arnaıy saıttarda uıymdastyrýda jáne operatsııalardyń avtomatty júrgizilýiniń jáne oǵan kirýshilerdiń keńeıýiniń arqasynda qarjy da, ýaqyt ta únemdeýde.
N. Radostovets, «kásiporyndardyń elektrondyq saýdaǵa óz erikterimen kelgenderin» atap kórsetti. Degenmen, bul ıgi iske memlekettik baǵdarlamalardyń aıasynda qolǵa alynyp otyrǵan «Elektrondyq úkimet» portaly men «Elektrondyq memlekettik satyp alýlar» júıesiniń sózsiz serpin bolǵanyn umytpaý kerek, deıdi ol.
N.Radostovetstiń pikirinshe, qazirgi kezdegi birinshi kezektegi mindet - elektrondyq saýda tájirıbelerin orta jáne shaǵyn kásiporyndarǵa taratý bolyp tabylady.
