Іri kólemdi esirtki zaty tárkilendi
ASTANA. 24 naýryz. QazAqparat /Aınur Kenebaeva/ - «Astana - esirtkisiz qala» baǵdarlamasy aıasynda esirtki arnalaryn anyqtaý men zańsyz áreketterdiń aldyn alý maqsatynda jedel izdestirý sharalary júrgizilip, 5 keli 248,82 gramm iri kólemdegi esirtki zaty tárkilendi.
Bul týraly búgin Astana qalasy ІІD-de ótken baspasóz máslıhatynda esirtki bıznesine qarsy kúres basqarmasynyń bastyǵy Narıman Abylqasenov málim etti.
Narıman Abylqasenovtyń sózine qaraǵanda 2011 jyldyń 20 naýryzynda «Saryaǵash-Astana» baǵytyndaǵy № 85-shi jolaýshylar poıyzy Astanaǵa kelip toqtaǵan sátte temir jol vokzalynyń perronynda iri kólemdi esirtki zatymen 1980 jyly týylǵan Qaraǵandy qalasynyń turǵyny ustalǵan. Tárkilengen esirtkige júrgizilgen hımııalyq saraptama nátıjesinde onyń aýyr esirtki tobyna jatatyn geroın ekendigi anyqtalǵan.
Qazirgi tańda atalmysh fakti boıynsha tergeý amaldary júrgizilip jatyr. Kúdiktiniń ústinen QR Qylmystyq kodeksiniń 259-baby 3-bólimi boıynsha qylmystyq is qozǵalyp, ustalǵan tulǵa Astana stansasyndaǵy jelilik ister bóliminiń ýaqytsha ustaý ızolıatoryna toǵytylǵan.
Narıman Abylqasenov málim etkendeı, búgingi kúnge deıin KІІD Esirtki bıznesine qarsy kúres basqarmasynyń qyzmetkerleri esirtki zattarynyń zańsyz analymyna baılanysty 161 qylmysty anyqtaǵan. Onyń 52 faktisi esirtki ótkizý bolsa, 8 faktisi esirtki kontrabandasyna qatysty bolǵan. Tárkilengen ár túrli esirtki zattarynyń jalpy salmaǵy 77 keli 190 gramdy quraǵan, sonyń 6 keli 430 gramnan astamy aýyr esirtki zaty - geroın.
