Іri kólemde para alǵan QTJ enshiles kompanııasynyń top-menedjerine qatysty jańa qylmystyq is qozǵaldy
ASTANA. QazAqparat - 2014 jylǵy mamyrda Qarjy polıtsııasy agenttigi dızeldik janar maıdy jetkizýge kelisimshartty jasaýǵa kómektesý úshin «Nur Tabys Munaı NTM» JShS ókilinen jalpy somasy 100 myń AQSh dollary kóleminde para alǵan degen aıyppen «Lokomotıv» AQ atqarýshy dırektory E.Qalaýbaevty qamaýǵa alǵan bolatyn.
Budan basqa, para alýǵa qatysqan degen aıyppen «Qaztemirtrans» AQ atqarýshy dırektory D.Álmýsın izdeýge jarııalandy. Onyń boı tasalap júrgen jeri anyqtalýda.
15 shildede Qalaýbaevqa qatysty dızeldik janar maıdy temir jol kóligimen tasymaldaý kezindegi «Nur Tabys Munaı–NTM» JShS-niń shyǵyndaryn óteý barysynda «Lokomotıv» AQ-nyń 30 mln.teńge qarajatyn urlaý faktisi boıynsha jańa qylmystyq is qozǵaldy.
Qylmystyq is tergelýde, ózge aqparat tergeý múddesine baılanysty jarııalanbaıdy, dep habarlady Qarjy polıtsııasynyń baspasóz qyzmeti.
