Іri kólemde para alǵan Aıagóz qalasynyń ákimi túrmege qamaldy
ÓSKEMEN. QazAqparat – Shyǵys Qazaqstan oblysy Aıagóz qalasynyń ákimi iri kólemde para alǵany úshin 4 jyl 5 aıǵa bas bostandyǵynan aıyryldy, dep habarlaıdy QazAqparat tilshisi.
Aıagóz aýdandyq soty baspasóz qyzmetiniń málimetine súıensek, Aıagóz qalasynyń burynǵy ákimine qatysty QR QK-niń 366-baby 2-bóligine sáıkes qylmystyq is qaraldy.
«Anyqtalǵandaı, sottalýshy qala ákimi laýazymyn atqaryp júrip, 2020 jyldyń 16 jáne 17 qyrkúıeginde sý tasqynynan zardap shekken úılerdi qalpyna keltirý boıynsha atqarylǵan jumystyń aktisine qol qoıǵany úshin merdiger uıymnan jalpy somasy 1 200 000 teńge mólsherinde eki ret para alǵan. Ol aqshany alyp jatqan sátinde, qyzmettik kabınetinde ustaldy. Aıyptalýshynyń kinási kýágerlerdiń jaýaptarymen, jasyryn tergeý jumystary nátıjelerimen, bolǵan oqıǵanyń beınejazbalarymen jáne is boıynsha alynǵan aıǵaq zattarmen dáleldendi. Sot barysynda qylmystyq jaýapkershilikti jeńildetetin mán-jaılar bolǵan joq», - delingen aqparatta.
Sot úkimimen Aıagóz qalasynyń burynǵy ákimi memlekettik qyzmette jumys isteý quqyǵyn ómir boıyna joǵaltyp, 4 jyl 5 aı merzimge bas bostandyǵynan aıyryldy.
Úkim áli zańdy kúshine engen joq.
