Іri kólemde para aldy degen kúdikpen departament dırektorynyń orynbasary ustaldy
ASTANA. QazAqparat - Sybaılas jemqorlyqqa qarsy is-qımyl jónindegi ulttyq bıýronyń Shyǵys Qazaqstan oblysy boıynsha departamenti Qazaqstan Respýblıkasynyń qorǵanys jáne aeroǵarysh ónerkásibi mınıstrliginiń Zań departamenti dırektorynyń orynbasary E.Arpabaevty 6,2 mln teńge mólsherinde para aldy degen kúdikpen ustady, dep habarlaıdy QazAqparat.
«Zańsyz syıaqyny ol oblystaǵy memlekettik kásiporyndardyń bir ókilinen mınıstrliktiń Memlekettik materıaldyq rezervter komıtetimen memlekettik satyp alý týraly kelisimge qol qoıý úshin alǵan.
E.Arpabaev Óskemen qalalyq Іshki ister basqarmasynyń ýaqytsha ustaý abaqtysyna qamaldy»,- delingen habarlamada.
Qazir sotqa deıingi tergeý júrgizilýde.
