Іri kólemde kredıt alýǵa kómekteskeni úshin para alǵan Halyq bankiniń qyzmetkeri ustaldy
ASTANA. QazAqparat - Atyraý oblysynda iri kólemde kredıt alýǵa kómekteskeni úshin zańsyz syıaqy alǵan Halyq bankiniń qyzmetkeri qolǵa tústi, dep habarlaıdy QazAqparat.
«Atyraý oblysy boıynsha Memlekettik kirister departamentiniń Ekonomıkalyq tergeý qyzmeti «Qazaqstan Halyq banki» AQ Atyraý fılıaly Inder aýdandyq basqarmasynyń bastyǵy Muhtarova R.Sh. 5 mln. teńgeden joǵary nesıe berý máselesin ońtaıly sheshkeni úshin júıeli túrde 260 000 teńge zańsyz syıaqy alyp kelgenin anyqtady», delingen vedomstvo habarlamasynda.
Atalǵan qylmystyq quqyq buzýshylyq deregi QR QK-nyń «Paraǵa kommertsııalyq satyp alý» 253-babynyń 5-tarmaǵy 2-bólimimen SDTBT-ǵa tirkeldi. Búgingi kúni sotqa deıingi tekserý jumystary júrgizilýde.
Qylmystyq Kodekstiń atalǵan babynyń sanktsııasy boıynsha múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp, jeti jyldan on eki jylǵa deıingi merzimge bas bostandyǵynan aıyrý jazasy kózdelgen.
Ózge aqparat tergeý múddesi úshin jarııalanbaıdy.
