Іri kólemde esirtki zatyn saqtaǵan Aqtaý turǵyny 3 jylǵa sottaldy
ASTANA. QazAqparat - Aqtaý qalalyq sotynda sottalýshy T-ǵa qatysty Qazaqstan Respýlıkasynyń Qylmystyq Kodeksiniń 296-baby 4 bóligimen sot úkimi shyǵaryldy.
Basty sot talqylaýynda sottalýshy T. Mańǵystaý oblysy ІІD-niń qyzmetkerlerimen «Órmekshi» jedel profılaktıkalyq is-sharasyn júrgizý barysynda Aqtaý qalasyndaǵy jaldamaly páterde asa iri mólsherde «marıhýana» esirtki zatyn zańsyz saqtaǵany úshin ustalǵany anyqtaldy.
Sot saraptamasynyń qorytyndysy boıynsha sottalýshydan jalpy salmaǵy 4 kg 888,24 gramm keptirilgen marıhýana tárkilengen.
Sot úkimimen sottalýshy T. Qazaqstan Respýblıkasy Qylmystyq Kodeksiniń 296-baby 4 bóliginde kórsetilgen, asa iri mólsherde esirtki zattardy ótkizý maqsatynsyz zańsyz tasymaldaý jáne saqtaý degen qylmys jasaǵany úshin kináli dep tanylyp, 3 jyl merzimge bas bostandyǵynan aıyrý jazasy taǵaıyndaldy, dep habarlaıdy Aqtaý qalalyq sotynyń baspasóz qyzmetinen.
