Іri kólemde esirtki saýdalaǵan dámhana qojaıyny ustaldy (FOTO)
ALMATY. QazAqparat - Almatyda dámhana qojaıyny iri kólemde esirtki saýdalap kelgen. Bul týraly qalalyq ІІD-niń baspasóz qyzmeti habarlady.
31 jastaǵy er adamnyń qylmystyq áreketi jaıly qulaqtanǵan polıtsııa ony «gashısh» esirtkisin satyp jatqan jerinen ustady. Jedel operatsııany «Arlan» arnaıy bóliminiń jasaǵy júrgizdi.
Dámhana qojaıyny kelýshilerge 1 keli 300 gramm bolatyn «taýardy» ázirlep qoıǵany belgili boldy. Sondaı-aq, esirtkini qapshyqqa salatyn qural men as úı tarazysy tabyldy.
Qalalyq ІІD-niń Esirtki bıznesine qarsy kúres basqarmasynyń basshysy Azamat Sadyrovtyń aıtýynsha, kúdikti qazir qamaýǵa alyndy.
Tergeý amaldary jalǵasýda.
