Іri kásiporyndardyń aınalasynda shaǵyn jáne orta bıznes beldeýi qurylady
Mınıstr ımportty almastyrýdyń óńirlik baǵdarlamalaryn júıeli qoldaý sharalarynan basqa kelesi baǵyttaǵy is-sharalar usynylatyndyǵyna toqtaldy.
«Birinshi, iri kásiporyndar otandyq óndirýshilermen uzaq merzimdi sharttar men ofteık-kelisimsharttar jasasý, nysanaly ındıkatorlardy belgileý jáne basqa da máselelerdi eskeretin jeke baǵdarlamalardy ázirleıtin bolady. Ekinshi, ónim sapasyn jáne otandyq taýarlardyń básekege qabilettiligin arttyrý maqsatynda biz tehnıkalyq retteý máselelerin qaıta qaraıtyn bolamyz. Úshinshi, iri kásiporyndardyń aınalasynda shaǵyn jáne orta bıznes beldeýi qurylady», - dedi ol.
Qaıyrbek Óskenbaevtyń dereginshe, 2021 jyldyń qorytyndysy boıynsha jer qoınaýyn paıdalanýshylar men kásiporyndardyń 4 trln teńge kólemindegi taýarlary satyp alynǵan. Onyń ishinde ımport kólemi 2,9 trln teńgeni qurady.
«Bul jerde atalǵan taýarlardyń ımportyn almastyrý áleýeti baıqalady. Osy maqsatta kelesi tetikterdi engizýdi usynamyz: shaǵyn jáne orta bıznes beldeýin qurý boıynsha iri kásiporyndar úshin mindettemeler engizý; jer qoınaýyn paıdalanýshylar úshin lıtsenzııa alý kezinde shaǵyn jáne orta bıznes tapsyrystarymen qamtamasyz etý jóninde mindettemeler engizý», - dedi mınıstr.
