Іri kásiporyndar kópbalaly qyzmetkerlerin baspanamen qamtıdy - Erjan Jylqybaev
NUR-SULTAN. QazAqparat – Eldegi iri kásiporyndar men bıznes qaýymdastyqtary kópbalaly qyzmetkerlerin baspanamen qamtý úshin 38 mlrd teńgeden astam qarajat jumsaýǵa daıyn, dep habarlaıdy QazAqparat tilshisi.
Elordada ótip jatqan Otbasylar forýmynda sóz alǵan QR Eńbek jáne halyqty áleýmettik qorǵaý mınıstriniń orynbasary Erjan Jylqybaev osyndaı málimet aıtty.
«Memleket tarapynan áleýmettik kómektiń 39 túri kórsetiledi. Sol úshin jyl saıyn 3,3 trln teńge, ıaǵnı bıýdjettiń shyǵys bóliginiń 27 paıyzy bólinedi. Ana men balany qoldaýdyń áleýmettik baǵyty birneshe deńgeıde júzege asyp jatyr. Kópbalaly analarǵa aqshalaı kómekten bólek jeńildikterdiń túr-túri qarastyrylǵan. Zeınetaqyǵa erterek shyǵý, salyq jeńildikteri, turǵyn úı kezeginde basymdyq berý máseleleri qarastylyp keledi», - dedi mınıstrlik ókili.
Onyń aıtýynsha, atalmysh sanat úshin 2025 jylǵa deıin 40 myń jaldamaly páter salynbaq. 56 myń kópbalaly otbasynyń eki paıyzdyq ıpoteka boıynsha baspana alýǵa múmkindigi bar.
«Mınıstrlik janynan qurylǵan jumys tobymen birge «Baqytty bala», «Baqytty ana», «Baqytty otbasy» «Baqytty el» baǵdarlamalar kesheni ázirlenip, engizildi. Eldegi iri kásiporyndarmen, bıznes qaýymdastyqtarmen memorandýmǵa otyrdyq. Sonyń aıasynda atalmysh uıymdar kópbalaly qyzmetkerlerin baspanamen qamtýǵa atsalysatyn bolady. Qazirdiń ózinde bul maqsatqa 38 mlrd teńgeden astam qarajat bólinip otyr»,- dedi vıtse-mınıstr.
