Іri qaradan qutyrma anyqtalǵan Qaraǵandy oblysyndaǵy qojalyq karantınge jabyldy

ASTANA. QazAqparat – Qaraǵandy oblysyna qarasty Qarqaraly aýdany aýmaǵynda ornalasqan sharýa qojalyǵynda iri qaradan qutyrma aýrýy anyqtaldy, dep habarlaıdy QazAqparat tilshisi.

«Qarqaraly aýdany Sharyqty aýyldyq okrýginiń Terekti aýylynda ornalasqan jeke qosalqy sharýashylyq aýmaǵynda iri qaranyń arasynan qutyrý aýrýy anyqtalýyna baılanysty shekteý is-sharalary belgilensin. Osy sheshimniń oryndalýyn baqylaýdy ózime qaldyramyn», - delingen «Ashyq» NQA portalynda jarııalanǵan Sharyqty aýyldyq okrýginiń ákimi A. Nógerbekovtiń sheshiminde.

Atalǵan sheshim keshe, ıaǵnı 12 sáýirde kúshine endi.

Qosa ketsek, byltyr ıt qaýyp alǵan Túrkistan oblysynyń turǵyny qutyrma aýrýynan qaıtys bolǵan edi.

Sonymen qatar, ótken jyly Batys Qazaqstanda qutyrma aýrýyna shaldyqqan qasqyr tórt adamdy jaraqattaǵan bolatyn.