Іri qaradan qarasan anyqtalǵan Qaraǵandy oblysyndaǵy qystaq karantınge jabyldy

ASTANA. QazAqparat – Qaraǵandy oblysyna qarasty Saryshaǵan kentindegi qystaqta iri qara maldan qarasan aýrýy anyqtaldy, dep habarlaıdy QazAqparat tilshisi.

«Aqtoǵaı aýdany, Saryshaǵan kentiniń «Nurıslam» qystaǵynyń aýmaǵyndaǵy iri qara maldardyń arasynan qarasan aýrýy anyqtalýyna baılanysty karantın belgilensin. Osy sheshimniń oryndalýyn baqylaýdy ózime qaldyramyn», - delingen «Ashyq» NQA portalynda jarııalanǵan Saryshaǵan kentiniń ákimi A.Toıymbekovtyń sheshim qujatynda.

Shekteý 21 sáýirde zańdy kúshine endi.

Eske salaıyq, byltyr jeltoqsanda Qaraǵandy oblysy Qarqaraly aýdanyna qarasty Martbek Mamyraev aýyldyq okrýgindegi «Svırıdov» qojalyǵynda iri qaradan qarasan anyqtalǵan edi.