«Іri qara mal etiniń eksporttyq áleýetin damytý» jobasy kesteden ozyq júzege asyrylýda - QR AShM

ASTANA. 26 qarasha. QazAqparat - «Іri qara mal etiniń eksporttyq áleýetin damytý» jobasy kesteden ozyq júzege asyrylýda. Bul týraly búgin brıfıng barysynda QR Aýyl sharýashylyǵy vıtse-mınıstri Gúlmıra Isaeva málim etti.

«Biz árbir tarmaq boıynsha, atap aıtqanda fermerlik jáne sharýa qojalyqtarynda analyq bas sanyn arttyrý, bordaqylaý alańdarynda mal oryndaryn qurý máseleleri boıynsha kesteden ozyq kelemiz», - dedi ol.

2010 jyldan bastap analyq bas sıyrlardy elge ákelý jobasynyń júzege asyrý merzimine de keńinen toqtalǵan vıtse-mınıstr alǵashqy nátıjelerge qol jetkizý úshin 4 jyl ketetindigin basa aıtty. Al Memleket basshysy alǵa júktegen iri qara mal etiniń eksport kólemin jylyna 60 myń tonnaǵa jetkizý úshin 600 myń bas analyq sıyr qajet. Olardan jylyna árqaısysynyń salmaǵy 250 keli tartatyn 240 myń bas buqa alýynýy tıis.

G.Isaevanyń atap ótýinshe, aǵymdaǵy jyly «premıým» sanatyndaǵy sıyr etin Máskeýge eksporttaý qolǵa alynǵan.