Іri qara etin eksporttaý 370 mln AQSh dollaryn quraıdy - Saparhan Omarov
«Mınıstrliktiń josparyna sáıkes, bıyl mal sharýashylyǵy ónimderi kóleminiń qosymsha ósimi 4,2 paıyzǵa nemese 2,6 trln teńgege boljamdanyp otyr. Bıyldyń tórt aıy boıynsha jalpy ónim kólemi 656 mlrd teńgeni qurady, jalpy ónim ındeksi 2,2 paıyzǵa artty. Barlyq óńir boıynsha josparly ındıkatıvter belgilengen jáne oǵan qol jetkizýge barlyq múmkindikter bar», - dedi S. Omarov Úkimet otyrysynda.
Onyń sózine qaraǵanda, mal sharýashylyǵy sektorynda negizgi sharalar iri qara malynyń analyq basyn kóbeıtýge baǵyttalǵan.
« 2018 jyldan bastap analyq mal basyn satyp alýǵa arnalǵan fermerlik sharýashylyqtardy nesıelendirý baǵdarlamasy bastaldy. Osy ýaqyt ishinde 1,5 myń fermerlik sharýashylyq nesıe alyp, mal satyp aldy.Orta merzimdi perspektıvada transulttyq kompanııalardy tartý arqyly zákirlik kooperatsııany damytý mindeti bar. Fermerlik sharýashylyqtardy qurýdan kútiletin ınvestıtsııalar kólemi 350 mlrd teńge jáne sıyr etin eksporttaý 2025 jyly 370 mln AQSh dollaryn quraıdy. Fermerlik sharýashylyqtarmen 42 myńnan astam jumys oryndary qurylady», - dep toqtaldy mınıstr.