Іri qalalardaǵy halyqtyń saılaýǵa qatysý kórsetkishi nelikten tómenirek boldy – sarapshy pikiri

NUR-SULTAN. QazAqparat – Іri qalalardaǵy halyqtyń saılaýǵa qatysý kórsetkishi nelikten tómenirek boldy? Bul suraq tóńireginde jýrnalıst ári saıası sholýshy Nıkıta Shatalov pikirin bildirdi, dep habarlaıdy QazAqparat tilshisi.

Qoǵam qaıratkeri Murat Ábenov saılaýdyń aldyn ala qorytyndysy boıynsha sarapshylar forýmyn ótkizip jatyr . Jıynda Nıkıta Shatalov osy suraq qoıylǵan bolatyn.

«Úgit-nasıhat jumystary barysynda popýlızm óte kóp boldy. Bir jaǵynan onyń da teris jaǵyn kórip otyrmyz. Biz Qazaqstannyń iri úsh qalasynda, Almaty, Nur-Sultan men Shymkentte halyqtyń saılaýǵa az kelgenin kórdik. Bul qaladaǵy orta klastyń mobılızatsııasyn bildirse kerek. ıAǵnı ondaǵy azamattardyń kóbi bul saılaýǵa asa qulyq tanyta qoımaıdy. Máselen, Qazaqstan halyq partııasy shyǵyp, «biz nesıelik amnıstııany qoldaımyz» dese, sol orta klas «tura turyńyzdar, biz salyq tólep jatyrmyz ǵoı, bizdiń esebimizden bireýdiń nesıesin ótemeksizder me?» dep shek qoıady. Al «Aq jol» partııasy Alash partııasynyń ıdeıasyn tiriltemiz dese, sol orta klas «bizde ózimizdiń biregeılimigiz qalyptasyp qaldy, sondyqtan kún tártibimiz basqa» deýi múmkin. Kóbinese sol orta klastyń biraz ókilin saılaýǵa ákelgen - Nur Otan. Sebebi, bul partııa asa bir shuǵyl burylyssyz kele jatyr. Dese de atalmysh partııaǵa orta klastyń tolyq sımpatııasy boldy dep taǵy aıta almaımyz», - deıdi Nıkıta Shatalov.

Eske sala ketsek QR Parlamenti Májilisi men máslıhat depýtattaryn saılaýshylar tizimine engizilgen saılaýshylardyń jalpy sanynyń 63,3 paıyzy bıýlletenderi alynǵany keshe habarlanǵan edi. Ol boıynsha Nur-Sultan qalasynda halyqtyń 45,1 paıyzy, Almatyda 30,3 paıyzy, Shymkent qalasynda 56,5 paıyzy saılaýǵa kelip, daýys bergeni belgili bolǵan.

Al búgin QR Ortalyq saılaý komıssııasy 10 qańtar kúni ótken QR Parlamenti Májilisi depýtattaryn saılaýda saıası partııalar jınaǵan daýystardyń aldyn ala qorytyndysyn jarııa etken bolatyn. Ortalyq saılaý komıssııasynyń hatshysy Sábıla Mustafınanyń dereginshe, «Aýyl» halyqtyq-demokratııalyq patrıottyq partııasy 5,29, «Nur Otan» partııasy 71,09%, «ADAL» saıası partııasy 3,57, Qazaqstannyń «Aq jol» demokratııalyq partııasy 10,95 jáne «Qazaqstannyń Halyq partııasy 9,10 paıyz daýys jınady.