Іri qalalardaǵy balalardyń allergııadan kóbirek zardap shegetini anyqtaldy
ASTANA. QazAqparat - Qalada turatyn balalarda qaladan jyraq eldi mekendeıtinderge qaraǵanda sút, jumyrtqa, jańǵaq ónimderine allergııa kóp kezdesedi eken.
Djons Hopkıns ýnıversıtetiniń mamandarynyń esebinshe, qaladaǵy árbir onynshy bala taǵamǵa allergııadan zardap shegedi.
Halqy kóp aýdandarda ósken balalardyń ózgelerge qaraǵanda jańǵaq pen basqa da taǵam túrlerinen aǵzalary eki ese kóp titirkenetini dáleldengen, dep habarlaıdy Meddaily. Bul ásirese, ımmýnıteti álsiz balalarǵa qatysty.
Ǵalymdar 516 balanyń alǵashqy bes jyldyq ómirin zerdeledi. Mamandar Baltımor, Boston, Nıý-Iork, Sent-Lýıste turǵan balalarǵa tán allergenderdi, as úlesi men densaýlyq jaǵdaıyn baǵalaǵan. Osylaısha, balalardyń 10%-ǵa jýyǵynda sút, jumyrtqa nemese jańǵaqqa allergııasy bar eken, al 55%-ynda atalǵan taǵamdarǵa shamadan tys sezimtaldylyq bolǵany anyqtaldy.
