Іri qalalarda ómir súrý dıabetke ushyraý qaýpin kúsheıtedi
ASTANA. QazAqparat - Dıabet ushyratatyn jáne basqa da metabolıkalyq buzylystardy ulǵaıtatyn faktorlardyń biri kortızoldyń (kúızelis gormony) sozylmaly yqpaly bolyp tabylady. Kortızol qandaǵy qant deńgeıin retteıtin gormon - ınsýlındi óńdeýge kedergi keltiredi. Sonymen, aýyldyq jerden qalaǵa kóshý dıabetke ushyraý qaýpin edáýir arttyrady, dep jazady Zee News.
Zertteýge qatysqan qala turǵyndarynyń 28 paıyzynda qant dıabeti men basqa da glıýkoza almasýynyń buzylysy bolǵan. Al aýyl turǵyndarynda bul kórsetkish eki esege tómen. Budan basqa, qalalyqtardyń aǵzasyndaǵy kortızol deńgeıi aýyldyqtarǵa qaraǵanda barynsha joǵary bolǵan.
Qala turǵyndarynyń fızıkalyq belsendiligi aýyldyqtarǵa qaraǵanda, edáýir tómen. Ári qalalyqtar fasfýd pen táttilerdi kóp tutynady. Alaıda kortızol deńgeıindegi aıyrym - kúızelis gormony iri qalalarda turatyn adamdarda qant dıabetine ushyraý qaýpin arta túsetinin kórsetedi.
