Іri qalalarda azyq-túlikke otbasy kirisiniń 60 paıyzǵa jýyǵy jumsalady

Búgin Parlament Májilisinde elimizdegi azyq-túlik ónimderiniń baǵasyn retteý máselelerin talqylaý barysynda depýtat Ýálıhan Bıshimbaev osylaı málim etti.   

Depýtattyń aıtýynsha, 2007 jyldan beri azyq-túlik ónimderine baǵanyń ósýi saldarynan tutyný sebetindegi azyq-túlik úlesi 41,6 paıyzdan 48,6 paıyzǵa artqan. ıAǵnı, tutynýdyń naqty qurylymy azyq-túlik emes taýarlar men qyzmetterden bas tartý esebinen qalyptasyp otyr.

 «Máselen, iri qalalarda keıbir  otbasy tabysynyń 60 paıyzǵa jýyǵy azyq-túlik ónimderine jumsalady. 35 paıyzy azyq-túlik emes taýarlarǵa tıedi, al qalǵan bar-joǵy 5 paıyzy ǵana basqa qyzmetterge qalady», - deıdi Ý. Bıshimbaev.

Bul rette depýtat halyqtyń kirisi baıaý qarqynmen ósse, azyq-túlik taýarlarynyń baǵasynyń ósý qarqyny budan áldeqaıda joǵary bolyp otyrǵanyn tilge tıek etti. «Bul máseleni ýshyqtyra berýge bolmaıdy. Óıtkeni, kommýnaldyq qyzmetter tóleminiń de ósimi azamattardy qıyn jaǵdaıǵa qaldyrýy ábden múmkin», - dedi Ý. Bıshimbaev.