Іri qalalar tóńiregine blokposttar qoıylatyndyǵy týraly jalǵan aqparat tarady
NUR-SULTAN. QazAqparat – Qazaqstandyqtarǵa iri qalalar tóńiregine blokposttar qoıylatyndyǵy týraly jalǵan aqparat taraǵandyǵy eskertildi, dep habarlaıdy QazAqparat tilshisi StopFake.kz portalyna silteme jasap.
Atalǵan portalda taratylǵan aqparatta qazaqstandyqtar bir-birine 9 mamyrdan bastap elimizde qatań karantın sharalary engiziletindigi jáne iri qalalardyń tóńiregine blokposttar qoıylatyndyǵy týraly habarlamalardy taratyp jatqandyǵy aıtylǵan. Habarlamada dálel retinde televızııalyq jańalyqtar toptamasynan úzindi keltiriledi. Shyndap kelgende bul habarlama - feık, al jańalyqtyń ózi ótken jylǵy.
WhatsApp arqyly taratylyp jatqan jańalyqtar shyǵarylymynyń úzindisinde 2020 jyldyń 7 qarashasy dep naqty data kórsetilgen. Sonymen qatar jańalyqty «Habar 24» emes, «MIR 24» telearnasynyń tilshileri túsirgen. Kadrda dıktor naqty aıdy atamaı tek «9-y kúninen bastap qaladan shyǵýǵa jáne kirýge tyıym salynatyndyǵyn» aıtady. Osylaısha, atalǵan habarlamadaǵy 9 mamyr delingen data oıdan shyǵarylǵan.
