Іri qala basshylary Astanada kezdesedi

ASTANA. QazAqparat - 19 jáne 20 qazanda CREW (Commercial Real Estate Week) kommertsııalyq jyljymaıtyn múlik jylsaıynǵy aptasynyń aıasynda Astanada «CRE Central Asia 2017» jyljymaıtyn múlik máseleleri boıynsha Ortalyq Azııa forým ótedi, dep habarlaıdy qala ákimdiginiń saıty .

Qytaı, Sıpgapýr, Frantsııa, Ulybrıtanııa, Kanada elderiniń jyljymaıtyn múlik boıynsha halyqaralyq sarapshylary, qurylysshylar, sáýletshiler, memlekettik qurylys jáne bıznes qaýymdastyqtyń ókilderi memlekettik-jekemenshik seriktestik jobalaryn ǵana emes, sondaı-aq zamanaýı tehnologııalardy engizý, meıramhana bıznesin jáne fýd-reıteldi damytý máselelerin talqylap, jyljymaıtyn múlik naryǵy boıynsha statıstıkalyq málimetterdi usynady.

«Shara Táýelsizdik saraıynda Astana q. ákimdiginiń qoldaýymen ótedi. Bizdiń basty maqsatymyz - sarapshylardyń tájirıbe almasýy jáne jyljymaıtyn múlikti damytýǵa qatysty ózekti máselelerdi sheshýi úshin kelissózder alańyn qurý», - dedi uıymdastyrýshylar.

Ortalyq Azııa óńiriniń jáne Reseıdiń iri qalalarynyń basshylary kezdesedi, bul kezdesý forýmnyń basty oqıǵasy bolmaq.

Áset Isekeshevtiń shaqyrtýy boıynsha  Ashhabad, Baký, Qazan, Ekaterınbýrg, Novosibir jáne Tbılısı syndy qalalardyń basshylary elordaǵa keledi.

Eki kún boıy forým qatysýshylary Astana men Almatyda ótken EXPO 2017, Ýnıversıada (2017) jáne Azıada (2011) syndy iri sharalardyń ınfraqurylymdyq murasyna arnalǵan máselelerdi talqylaıdy.

Forým delegattaryn túrli bilim sharalary kútýde: trenıngter, praktıkalyq semınarlar men sheberlik sabaqtar. Forým jyl saıynǵy «Commercial Real Estate Awards 2017» jyljymaıtyn múlik salasynda kásibı syıaqysyn tabystaýmen aıaqtalady.