Іri halyqaralyq sharanyń bizdiń elde ótip jatqanyna qýanyshtymyn jáne maqtan tutamyn - skrıpkashy Marat Bısenǵalıev
ATY. 7 aqpan. QazAqparat /Názıra Eleýhan / - Almatyda jaqynda Mádenı Azıada baǵdarlamasy aıasynda Abaı atyndaǵy Memlekettik akademııalyq opera jáne balet teatrynda Qazaqstannyń óner sheberleriniń qatysýymen ótken gala-kontsert úlken qoshemetpen aıaqtaldy.
Oǵan elimizidiń óner juldyzdarymen qatar, sheteldegi otandas óner sheberleri qatysty. Azııa oıyndaryna óz qoldaýlaryn bildirý úshin Ulybrıtanııadan arnaıy álemge tanymal skrıpkashy Marat Bısenǵalıev, Eleonora Naqypbekova, Londonnyń Koroldyq orkestriniń dırıjeri Marıýs Stravınskıı, Germanııadan Ámir Tebenıhın, Reseıden Nurlan Bekmuhambetov, Oleg Vıdeman keldi. Kontsertte A. Jubanovtyń, L. Hamıdıdiń, J.Bızeniń, P.Chaıkovskııdiń, S.Rahmanınniń, F.Shopenniń, Dj.Rossınıdiń, L. Mınkýstyń shyǵaramalary oryndaldy.
Bul sharaǵa arnaıy kelgen skrıpkashy Marat Bısenǵalıev: «Men úshin bul kontsertke qatysý - úlken qurmet. Almatyǵa kelý múmkindigi týyp jatqan saıyn men ózimdi baqytty sezinemin. Alysta júrsem de árqashan Qazaqstanda ne bolyp jatqanyn qarap, ásirese, sport sharalaryn qadaǵalap otyramyn. Іri halyqaralyq sharanyń bizdiń elde ótip jatqanyna qýanyshtymyn jáne maqtan tutamyn. Azıadany - Olımpıadanyń alǵashqy baspaldaǵy dep bilemin. Mádenıet pen sport halyqtardy árqashan jaqyndatady, biraq sport óte tıimdirek jáne demokratııashyl», - dedi ol.
«Men qazaqstandyq sportshylardyń ónerlerine qatty tánti boldym. Biz sportshylardyń jetistikterin maqtan tutamyz. Bul shara elimiz úshin, barsha qazaqstandyqtar úshin úlken tarıhı, mańyzdy oqıǵa. Jas Qazaqstan úshin bul sharany ótkizý - úlken abyroı, baqyt. Ekiniń biri mundaı aýqymdy sharany ótkize almaıdy. Álemdik daǵdarysqa qaramastan elimiz, Elbasynyń arqasynda mine, ótkizip jatyr. Biz árıne oǵan qýanyshtymyz, maqtan tutamyz. Azıada -naǵyz sport merekesi boldy», - dedi ataqty opera ánshisi, QR eńbek sińirgen qaıratkeri Maıra Muhamedqyzy. Ol sonymen qatar «Jarys barysynda men Denıs Tenge jankúıer boldym», - dedi.
«Bul naǵyz ónerdiń merekesi boldy jáne bul bizdiń barlyq Azıadaǵa qatysýshylarǵa arnaǵan syılyǵymyz», - dedi QR halyq ártisi Nurjamal Úsenbaeva.
