Іri býdda ınstıtýty otqa orandy
ASTANA. 12 qańtar. QazAqparat - Qytaıdaǵy eń iri «Larýng Gar» býdda ınstıtýty órtke orandy, dep habarlaıdy "Habar" agenttigi.
Tıbet býddısteriniń ortalyq ǵıbadathanalarynyń birindegi órt keshkisin shyqqan. Ony sóndirýge 450-den astam arnaıy maman jumyldyrylǵan. Biraq tilsiz jaý tez tarap, 10 birdeı ǵımarat jermen jeksen bolǵan. Óıtkeni olardyń barlyǵy aǵashtan salynǵan. Ázirge qaza tapqandar jáne jaraqat alǵandar týraly málimet joq. Sy-chýan provıntsııasyndaǵy atalǵan ınstıtýttyń irgetasy 1980 jyly qalandy. Buǵan deıin ol jerde eshteńe bolmaǵan. «Biraq búginde «Larýng Gardyń» aımaǵynda 10 myńǵa jýyq taqýa tálimger men oqýshy turady», - deıdi jergilikti aqparat quraldary.
