Іri apat Qaraǵandydaǵy ondaǵan úıdi jaryqsyz qaldyrdy
QARAǴANDY. QazAqparat - Elektr jelilerinde bolǵan apat saldarynan Qaraǵandyda kóp qabatty ondaǵan úı tańǵy 4-ten beri jaryqsyz otyr, dep habarlaıdy «QazAqparat» HAA tilshisi.
«Qaraǵandy jaryq» kompanııasynyń apattyq qyzmeti dıspetcheriniń sózine qaraǵanda, apat joǵary voltty stansada bolǵan. «Apattyq brıgadalar zaqymdanǵan kabelderdi tekserip jatyr», - deıdi dıspetcher.
Qansha úıdiń jaryqsyz qalǵanyn aıtýdan bas tartqan dıspetcher stansalardyń qýaty jarııalaýǵa bolmaıtyn qyzmettik aqparat ekenin alǵa tartty.
Qaraǵandyda apat saldarynan Erýbaev jáne Álıhanov kóshelerinde baǵdarshamdar isten shyqqan.
