IRho-nyń shvedtik qatysýshysy: Astana - Qazaqstannyń brendi
ASTANA. QazAqparat - Qazaqstan halyqaralyq iri sharalardy ótkizýge laıyqty memleket jáne 2017 jyldaǵy EKSPO kórmesin uıymdastyrýda joǵary nátıjelerge qol jetkizedi. Bul týraly Astanadaǵy fızıkadan 45-shi Halyqaralyq olıpıadaǵa (IRho) Shvetsııanyń atynan kelgen Kollıývar Kelson málim etti.
«Qazaqstan - keremet el. Men osy memleket jaıynda Astanaǵa keler aldynda jaqsy bilgen edim. Sizderdiń tabıǵattaryńyz tamasha jáne keńistik kóp. Eń bastysy halyqtaryńyz qonaqjaıly eken. Sáýlettik jaǵynan alyp qaraǵanda, Qazaqstan astanasy erekshe. Búginde elderińizde halyqaralyq iri sharalar uıymdastyrylýda. Aldaǵy ýaqytta EKSPO kórmesin ótkizetin bolasyzdar. Sonymen qatar fızıkadan ótip jatqan olımpıada da joǵary deńgeıde uıymdastyrylǵan. Atap aıtqanda, Qazaqstan osyndaı iri sharalardy ótkizýge laıyqty memleket. Astana Qazaqstannyń ózindik brendine aınaldy», - deıdi shvedtik meıman.
Onyń paıymynsha, elordadaǵy Halyqaralyq olımpıadaǵa qatysýshylarǵa barlyq jaǵdaılar jasalǵan. Astanadaǵy IRho joǵary deńgeıde uıymdastyrylǵandyqtan, osy shara barlyq qatysýshylardyń esinde qalatyn bolady.
Budan buryn habarlanǵandaı, Astanadaǵy fızıkadan Halyqaralyq olımpıadaǵa qatysý úshin elordaǵa álemniń 80-nen astam elinen delegattar kelgen.
