IRho-ǵa qatysýshy eń tájirıbeli sheteldik ustaz Qazaqstandaǵy olımpıadaǵa joǵary baǵa berdi
ASTANA. QazAqparat - Fızıka boıynsha Halyqaralyq olımpıadada (IPho) avstrııalyq delegatsııanyń bas ustazy Gelmýt Maı Qazaqstanda atalǵan bilim saıysynyń uıymdastyrylýyn joǵary baǵalady. Ol 30 jyldan beri osy olımpıadanyń álem elderinde ótkizilýine qatysyp kele jatqan tálimgerlerdiń biri.
«Men IRho-nyń ótkizilýine 1982 jyldan beri qatysyp kelemin. Osy oraıda kóptegen elderde boldym. Bıyl Qazaqstanǵa kelgenime óte qýanyshtymyn. Bul turǵyda uıymdastyrýshylarǵa alǵysymdy jetkizgim kelip otyr, óıtkeni, barlyǵy jaqsy ótip jatyr. Sizderdiń elderińiz joǵary mejeni eńserip otyr», - dedi ol.
Esterińizge sala keteıik, IRho Astanadaǵy Nazarbaev Ýnıversıtetinde ótýde jáne oǵan álemniń 80-nen astam elinen kelgen oqýshylar bilimderin synaýda. Osy bilim saıysynyń saltanatty túrde jabylýy 20 shildede Beıbitshilik jáne kelisim saraıynda ótedi.
IRho alǵash ret 1967 jyly Varshavada (Polsha) ótti.
