Aqtóbede qorǵanys isteri bólimi bastyǵynyń jumys ornynda sýıtsıd jasaǵany ras pa
ASTANA. KAZINFORM - Yrǵyz aýdandyq qorǵanys isteri bóliminiń bastyǵy jumys ornynda sýıtsıd jasady. Bul aqparatty Aqtóbe oblystyq qorǵanys isteri departamenti rastady.
- Osy jyldyń 8 jeltoqsanynda Aqtóbe oblysy Yrǵyz aýdandyq qorǵanys isteri bóliminiń bastyǵy qyzmet ótkerý ornynda sýıtsıd jasady. Aldyn ala aqparatqa sáıkes, oryn alǵan jaıt áskerı qyzmetti ótkerýmen baılanysty emes. Sebebi men mán-jaıy anyqtalyp jatyr. Fakti boıynsha qylmystyq is qozǵaldy. Aqtóbe oblystyq qorǵanys isteri departamenti áskerı qyzmetshiniń týystary men jaqyndaryna kóńil aıtady, - dep atap ótti vedomstvodan.
Osyǵan deıin Aqtóbe oblysynda sarbazdyń sýıtsıd jasaǵany týraly jazdyq.
«Aǵymdaǵy jyly 23 qarashada Aqtóbe garnızonyna qarasty áskerı bólimderdiń birinde merzimdi qyzmettiń áskerı qyzmetshisi qaraýyl qyzmetin atqarý kezinde ózine bekitilgen qarýmen atylyp, sýıtsıd jasady, — delingen habarlama.