Іrgeli ǵylymdarǵa beriletin grant merzimin 5 jylǵa uzartý óte oryndy- PhD doktory
«Memleket basshysynyń óz Joldaýynda qazaqstandyq ǵylymdy damytýǵa qatysty bildirgen oılaryn ýaqytyly aıtylǵan paıym dep baǵalaýǵa bolady. Іrgeli ǵylymdarǵa beriletin granttardyń merzimin 3 jyldan 5 jylǵa uzartý óte oryndy. Kóptegen ǵylym salalarynda irgeli zertteýler júrgizý - ǵylymı granttarǵa qoıylatyn basty talaptardyń biri. ıAǵnı zertteý nátıjelerin álemdik bedeldi ǵylymı jýrnaldarda jarııalaýǵa 3 jyldyq merzim azdyq etetini ras. Ǵylymı grantty jeńip alǵan kóptegen zertteýshiler ýaqyt tyǵyzdyǵynan óz zertteýlerin sapaly aıaqtap, zertteý barysynda qol jetkizgen zertteý qorytyndylarynyń shynaıylyǵyna tolyqqandy kóz jetkizýge jáne ár ǵylymı maqalany uzaq saraptap, retsenzııalaıtyn halyqaralyq reıtıngi joǵary jýrnalda óz jumystaryn jarııalap úlgermeı jatatyndyǵyn alǵa tartady. Sonyń saldarynan kóptegen qazaqstandyq ǵalymdar maqalalaryn asyǵys «alaıaq» jýrnaldarda jarııalap, elimizdiń ǵylym deńgeıi men bedeline nuqsan keltirip jatatyny jasyryn dúnıe emes»,- dedi ǵalym.
Sondaı-aq, ol ǵylym granttarynyń bólinýine qatysty qazaqstandyq ǵalymdardyń ýáji de kóp ekendigin alǵa tartady.
«Birneshe jyl buryn baspasóz betteri men áleýmettik jelilerde kóptegen ǵalymdarymyz óz jobalarynyń saraptama kezeńinde joǵary upaı jınaǵanyna qaramastan grantqa ıe bola almaı qalǵanyn aıtyp, ǵylym granttaryn bólýde «barmaq basty, kóz qystylyq» kóp ekenin alǵa tartqan edi. Memleket basshysynyń Ulttyq ǵylymı keńesterdiń shyǵaratyn sheshimderiniń obektıvti bolýy úshin appelıatsııa ınstıtýtyn engizýdi usynýy ǵylym granttaryn bólý barysynda týyndaıtyn daý-damaılardy ońtaıly sheship, ǵylymǵa bólingen qarjyny naqty laıyqty ǵalymdar men zertteý toptarynyń ıgerýine septigin tıgizedi dep senemin»,- dedi Dalelhan Aıbolat.
