Irekli qoımasynan Jaıyqqa jiberiletin sý kólemi 15 tekshe metrge deıin azaıtyldy
ORAL. KAZINFORM - Transshekaralyq Jaıyq ózenindegi sý deńgeıi Reseıdiń Orynbor qalasynda bir táýlikte 16 santımetrge tómendedi.
«Qazgıdromet» RMK BQO fılıalynyń dırektory Tilegen Shapanovtyń málim etkenindeı, Orynborda 461 (qaýipti shegi — 930 sm) santımetr bolsa, Elek tusynda 493 (+15, qaýiptisi — 890.sm) sm-ǵa jetti.
Jaıyq ózenindegi sý deńgeıi Batys Qazaqstan oblysyndaǵy barlyq gıdrobekette joǵarylap keledi. Sonyń ishinde Bórli aýdany Jarsýat aýylynda 494 (+15, qaýiptisi — 1 myń sm), Oralda 336 (+9, 850), Aqjaıyq aýdany Mergende 507 (+21) santımetrdi kórsetti, — dedi T.Shapanov.
Onyń aıtýynsha, osyǵan deıin Orynbor oblysyndaǵy Irekli qoımasynan Jaıyq ózenine sekýndyna 60 tekshe metr sý jiberilip kelgen edi. Búginnen bastap 15 tekshe metrge deıin azaıtyldy.
Eske sala keteıik, budan buryn Batys Qazaqstan oblysynda Qaraózendegi sý deńgeıi 7 metrge jýyqtaǵanyn jazǵan bolatynbyz.
