Irannyń joǵary kóshbasshysy: Izraıldiń Palestına halqyna jasap otyrǵany - genotsıd
ÁBÝ-DABI. QazAqparat - Irannyń joǵary kóshbasshysy aıatolla Alı Hameneı seısenbide Gaza sektoryndaǵy Tel-Avıvtiń operatsııasyna baılanysty Izraıldiń atyna aıyptar taqty.
Atap aıtqanda, ırandyq rýhanı kóshbasshy Izraıldi «qańǵybas ıtke» balady, ol atalmysh memleketti Gazada násilge bólinýshilikke boı urdy dep aıyptady. Budan basqa, Alı Hameneı kúlli ıslam álemin palestınalyqtardy qarýlandyrýǵa shaqyrdy.
«Id al-Fıtr» musylman merekesinde sóz sóılegende Alı Hameneı: «Ol beıbit elge shabýyl jasaǵan qańǵybas ıt, jyrtqysh qasqyrmen teń. Adamzat Izraıldiń teris áreketin moıyndatýy tıis. Bolyp jatqan jaǵdaı, tarıhı aýqymdaǵy sumdyq oqıǵa», - dedi.
«Sýy, jaryǵy joq alaqandaı jerge qamalǵan adamdardy muzdaı qarýlanǵan ásker tegeýrini ustap otyr. Palestınalyqtar bizge úlken sabaq ákeldi», - dedi ol.
Eske sala keteıik, úsh aptadan beri Izraıldiń «Myzǵymaıtyn qabyrǵa» operatsııasynan 1100-den astam palestınalyqtar, 53 ızraıldikter qaza tapty.
Bul rette aıatolla Alı Hameneı Gaza sektoryndaǵy janjaldyń toqtaǵany týraly áńgimeni joqqa shyǵardy, ol «bul Qurama Shtattar men eýropalyq memleketter tarapynan Izraıldi qutqarýǵa baǵyttalǵan tuzaq» dedi. Iran kóshbasshysynyń aıtýynsha, HAMAS qaıta qarýlanýy tıis, olaı bolmaǵan jaǵdaıda, palestınalyq qozǵalys óz-ózin qorǵaı almaıdy.
Alı Hameneıdiń sózi Irandaǵy halyqtyń pikirimen palestındikterdi qoldaý jaǵynan, Izraıldiń Gaza sektoryndaǵy áskerı áreketterine qarsy sáıkes keldi.
