Irannyń ıadrolyq baǵdarlamasy turǵysyndaǵy teris kózqaras halyqaralyq pikir emes - atalǵan eldiń resmı ókili

ASTANA. 11 qazan. QazAqparat - Irannyń ıadrolyq baǵdarlamasy turǵysyndaǵy teris kózqaras halyqaralyq pikir emes. Bul týraly búgin  Astanadaǵy H Eýrazııalyq medıa forýmynda Iran Syrtqy ister mınıstriniń resmı ókili Ramın Mehmanparast málim etti.

Iran osyǵan deıin eshqandaı zańnamalar men erejelerdi buzbaǵandyǵyna toqtalǵan ol, «qazirgi kezde baıqap otyrǵan kózqarasty biz halyqaralyq pikir dep eseptemeımiz. Osy oraıda bul elderde ıadrolyq qarý bar, ásirese, AQSh ıadrolyq baǵdarlama salasynda eleýli qysym kórsetýde», -dedi.

Sonymen qatar R.Mehmanparast BUU-ǵa múshe memleketterdiń kóbisi Irannyń ıadrolyq baǵdarlamasyna qarsylyq bildirip otyrmaǵandyǵyn aıtyp ótti. Sondyqtan da Iran «5+1» aıasynda kelissózderdi bastaýǵa nıetti ekenin, buǵan qosa ózderiniń ıadrolyq baǵdarlamasyna qatysty barlyq kúdikterdi joqqa shyǵaratyndaryn jetkizdi.