Irannyń urlanǵan burynǵy qorǵanys vıtse-mınıstri Izraıl túrmesinde tabyldy
ASTANA. Qarashanyń 16-sy. QazAqparat - Eki jyldan astam ýaqyt izdeýde bolǵan Irannyń burynǵy qorǵanys vıtse-mınıstri Álı Reza Ashgarı Izraıl túrmesinen tabyldy.
Irandyq buqaralyq aqparat quraldaryna silteme jasap Associated Press agenttiginiń habarlaýynsha, A.Ashgarıdi ustap, ony Izraıl memleketiniń aýmaǵyna jetkizýde Izraıl arnaıy qyzmetterine Germanııa men Ulybrıtanııanyń barlaý organdary kómektesti. Resmı Tegran men A.Ashgarıdiń otbasynyń músheleri burynǵy vıtse-mınıstrdiń urlaný faktisine oraı narazylyq bildirip otyr.
A.Ashgarı 2007 jyly Túrkııaǵa jasaǵan jeke saparynyń barysynda joǵalyp ketken bolatyn. 2009 jyldyń naýryz aıynda Germanııanyń Qorǵanys mınıstrligi ırannyń burynǵy joǵary laýazymdy sheneýniginiń qaıda ekenin biletinin jáne Tegrannyń ıadrolyq baǵdarlamasy týraly qundy málimet berýge ázir ekenin málim etken edi.
