Irannyń əýe kompanııasyna Qazaqstanǵa ushýǵa kýálik berildi
ASTANA. QazAqparat - QR IIDM Azamattyq avıatsııa komıteti Irannyń «Mahan Air» əýe kompanııasyna elimizge ushýǵa kýálik berdi, dep habarlaıdy QazAqparat tilshisi.
Komıtet məlimetinshe, 2019 jyldyń 4-25 naýryzy aralyǵynda, dúısenbi kúnderi sheteldik əýe kompanııasy A310 əýe kemesimen Tegeran - Almaty -Tegeran baǵytynda tikeleı turaqty reısterdi oryndaıdy.
Sonymen qatar «Mahan Air» 1 səýir men 23 qazan aralyǵynda ushý jıiligin arttyryp, dúısenbi jəne sərsenbi kúnderi qatynaıdy.
Aıta keteıik, buǵan deıin de Iran əýe kompanııasy atalǵan baǵyttaǵy reısti oryndaǵan. Biraq 2017 jyly ekonomıkalyq sebepterge baılanysty ushýyn toqtatqan edi.
Reısterdiń qaıta jańǵyrtylýy eki eldiń arasyndaǵy jolaýshylar aǵynyn arttyryp, ózara tıimdi yntymaqtastyqty jandandyrady.
