Irannyń sońǵy shahynyń egizi Ashraf Pehlevı 96 jasynda ómirden ozdy
ASTANA. QazAqparat - Irannyń sońǵy shahy Mohammad Reza Pehlevıdiń egizi Ashraf Pehlevı 7 qańtar kúni 96 jasynda qaıtys boldy. Bul týraly Irannyń Tasnim agenttigi habarlady.
«7 qańtar kúni Irannyń marqum bolǵan shahynyń egizi, esimi kópshilikke keńinen tanymal bolǵan, monarhııa men amerıkandyq qundylyqtardy belsendi qorǵaǵan, ómiri shıelenis pen qaıshylyqtarǵa toly áıel Ashraf Pehlevı qaıtys boldy», - delingen agenttiktiń habarlamasynda.
Onyń keńesshisi Robert Armaonyń aıtýynsha, egizdiń syńary eýropalyq elderdiń birindegi úıinde uıyqtap jatqan kezde úzilgen, dep habarlaıdy agenttik. Ashraf Pehlevı 1919 jyldyń 26 qazanynda Tegeranda, 1925 jyly tóńkeristen keıin shah taǵyna otyrǵan podpolkovnık Reza Pehlevıdiń otbasynda dúnıege kelgen.
