Irannyń ońtústik-shyǵysynda qatty jer silkinisi boldy
TEGERAN. QazAqparat - Irannyń ońtústik-shyǵysyndaǵy Sıstan jáne Belýdjıstan provıntsııalarynda magnıtýdasy 5,6 ball bolatyn jer silkinisi boldy, dep habarlaıdy «Anadolý» agenttigi.
Tegeran ýnıversıteti Geofızıka ınstıtýty janyndaǵy Seısmologııa ortalyǵy usynǵan aqparatqa sáıkes, jergilikti ýaqytpen saǵat 10:53-te jer silkinisi oryn alǵan.
Jerasty dúmpýiniń epıtsentri Sıstan jáne Belýdjıstan provıntsııalaryna qarasty Bezman aýdanynyń Mesdjıd-ı Hazretı Abýlfazl aýylynda bolǵan. Oshaǵy 10 shaqyrym tereńdikte ornalasqan.
Qaza tapqandar men zardap shekkender týraly habarlanǵan joq.
