Irannyń ońtústik-batysynda gaz jarylyp, 5 adam mert boldy
AHVAZ. QazAqparat – Jeksenbi kúni Irannyń ońtústik-batysynda gaz jarylyp bes adam mert boldy. Turǵyn úıler men saýda dúkenderi qırady, dep habarlaıdy QazAqparat Reuters agenttigine silteme jasap.
Qutqarýshy top Hýzestan – Ahvazdyń ákimshilik ortalyǵynyń ejelgi aımaǵyndaǵy tarıhı bazardyń janynda ornalasqan eki qabatty ǵımarattyń qırandylarynda izdeý jumysyn júrgizip jatyr.
«Jarylys saldarynan eki qabatty ǵımarat, jaqyn mańdaǵy tórt turǵyn úı jáne alty dúken tolyǵymen qıraǵan» deıdi Ahvaz qalasy órt sóndirý bóliminiń basshysy Ebrahım Kanbarı (Ebrahim Qanbari).
Onyń aıtýynsha, jarylystan bes adam mert bolǵan, toǵyz adam zardap shekken. Qaıtys bolǵandardyń arasynda bir áıel bar.
