Irannyń ońtústik-batysynda 4,8 magnıtýdaly jer silkinisi boldy

TEGERAN. IRNA-QazAqparat – Irannyń Irakpen shekaralasatyn Hýzıstan proıvıntsııasynda Rıhter shkalasymen 4,8 baldyq jer silkinisi boldy, dep habarlaıdy QazAqparat IRNA agenttigine silteme jasap.

Tegeran ýnıversıtetindegi Seısmologııa ortalyǵynyń málimetinshe, zilzalanyń oshaǵy Dızfýl qalasynyń janyndaǵy Salend kentinde tirkelgen.

Jer dúmpýi jergilikti ýaqytpen saǵat 13:17-de toǵyz shaqyrym tereńde bolǵan.

Qazirgi málimet boıynsha ǵımarattardyń qıraýy men adamdardyń qurban bolýyna qatysty aqparat joq.