Irannyń ońtústiginde zilzala saldarynan 200-den astam adam zardap shekti
ASTANA. Qarashanyń 4-i. QazAqparat - Sársenbige qaraǵan túni Irannyń ońtústigindegi Bender-Abbas aılaq qalasynda bolǵan 4,9 baldyq jer silkinisiniń saldarynan 200-den astam adam zardap shekti,
dep habarlaıdy «RIA «Novostı» agenttigi.
«Búgin máskeý ýaqytymen saǵat 04.30-daǵy jaǵdaı boıynsha 209 jaraly adam bar», dedi Hormýzgan provıntsııasynyń medıtsınalyq ýnıversıtetteriniń biriniń basshysy Farshıda Abedı.
Jer sharyndaǵy eń seısmoqaýipti aýdandardyń ondyǵyna kiretin Iranda ár on jyl saıyn kúshi 7 baldan asatyn jer silkinisteri bolyp turady. 2003 jyly Bam qalasynda jáne 2005 jyly Zarand qalasynda bolǵan jer silkinisteri kezinde 31 myń adam qaza taýyp, 42 myńǵa jýyǵy jaraqat aldy. Orasan apat Bam qalasyn jermen-jeksen etken edi.
