Irannyń ońtústiginde 5,7 ball qýatymen jer silkindi
TEGERAN. QazAqparat - Búgin Irannyń ońtústigindegi Rýıdar qalasynda jergilikti ýaqyt boıynsha saǵat 09.37-de 5,7 ball qýatymen jer silkindi, dep habarlaıdy QazAqparat «Irna» agenttigine silteme jasap.
Zilzalanyń oshaǵy 8 shaqyrym tereńdikte ornalasqan. Dúmpýler Bandar Abbas qalasynan 130 shaqyrym qashyqtyqta tirkeldi.
Jer silkinisi bolǵan jerge medıtsınalyq brıgadalar men qutqarýshylar attandyryldy. Qurbandar men qıraýlar týraly aqparat joq.
Eske salaıyq, 2017 jyldyń 12 qarashasy kúni Irannyń batysyndaǵy Kermanshah provıntsııasynda 7,3 ball qýatymen jer silkinip, saldarynan 600-den astam adam qaza bolǵan edi.
