Irannyń ońtústiginde 5,3 magnıtýdaly jer silkinisi tirkeldi
ASTANA. 15 maýsym. QazAqparat - Sársenbi kúni tańerteń Irannyń ońtústiginde eki birdeı jer silkinisi bolyp, olardyń eń kúshtisi 5,3 magnıtýda boldy, dep habarlaıdy AQSh-tyń Geologııalyq qyzmetine (USGS) silteme jasap.
Birinshi jer silkinisi jergilikti ýaqytpen saǵat 04.33 kezinde bolǵan. Jerasty tolqyndarynyń epıtsentri Bam qalasynan 155 shaqyrym ońtústik-shyǵysynda oryn alǵan. Jer silkinisiniń oshaǵy 33,4 kılometr tereńdikte ornalasqan.
Aradan úsh mınýt ótkennen keıin, aımaqta 5,3 magnıtýdaly ekinshi jer silkinisi tirkelgen. Onyń epıtsentri Bam qalasynan 147 shaqyrym ońtústik-batysqa qaraı jerde oryn alǵan. Jer silkinisiniń oshaǵy 36,8 kılometr tereńdikte ornalasqan.
Jer silkinisinen qaza tapqandar men qıraýlar týraly málimetter ázirge kelip túsken joq.
