Irannyń ońtústiginde 19 tonna esirtki tárkilendi
BÝShER. QazAqparat - Býsher provıntsııasynyń esirtkige qarsy kúres keńesiniń bas hatshysy Arastý Torkamanmanesh osy jyldyń basynda atalmysh provıntsııada 19 tonna 640 keli esirtki tárkilengenin málimdedi, dep habarlaıdy IRNA.
«Esirtki kólemi ótken jyldyń osy kezeńimen salystyrǵanda 20%-ǵa artqan», - dep málimdedi ol.
«Teńiz arqyly esirtki tasymaldaýǵa toqtalar bolsaq, quqyq qorǵaý organdary qyzmetkerleriniń, Islam revolıýtsııasy saqshylary korpýsy kúshteriniń qyraǵylyǵynyń arqasynda Býsher provıntsııasynda teńiz arqyly tasymaldanǵan esirtki aınalymynyń 14 tonna 425 kelisi tárkilengen», - dedi ol.
Iran polıtsııasy jyl saıyn opıýmnyń álemdik aınalymynyń - 80, geroın men morfınniń 40 paıyzyn tárkileýde.
