Irannyń munaı tankerine teńiz qaraqshylary shabýyl jasady
ASTANA. QazAqparat - Irannyń áskerı kemeleri pırattardyń Aden shyǵanaǵynyń mańyndaǵy munaı tankerine jasaǵan kezekti shabýylyna toıtarys berdi. Bul týraly dúısenbide İRİB aqparattyq agenttiginen habarlady.
Jyldam júretin kishkene kemelerge mingen teńiz qaraqshylary Iran tankerlerine Iemenniń ál-Mýkalla kemejaıynyń mańynda jaqyndaǵan, alaıda áskerı-teńiz flotynyń 32-shi flotılııasy áskerı kemeleriniń boratylǵan atysynan sheginýge májbúr boldy.
Irannyń Áskerı Teńiz kúshteri 29 jeltoqsanda pırattardyń 8 qaıyǵyna Bab-el-Mandeb buǵazyndaǵy munaı takerine jasaǵan shabýyly kezinde toıtarys bergen.
Iran áskerı-teńiz flotynyń komandıri, kontr-admıral Habıbolla Saııarı ótken jyldyń qarasha aıynda eldiń áskerı-teńiz kúshteriniń ırandyq saýda kemeleri men munaı tankerlerine pırattar jasaǵan 150-den astam shabýyldyń betin qaıtaryp, sońǵy birneshe jyldyń ishinde shamamen 2000 kommertsııalyq kemelerdi qorǵaǵanyn aıtty.
