Irannyń munaı mınıstri Dohadaǵy kezdesýdi oń qadam dep atady
ASTANA. QazAqparat - Irannyń munaı mınıstri Bıdjan Namdar Zangane 17 sáýirde Dohada ótken kezdesý oń qadam boldy, dep sanaıdy. Bul týraly Reuters agenttigine silteme jasap, Gazeta.ru habarlady.
«Dohadaǵy kezdesý jemisti bolǵan joq, biraq ta biz ony oń qadam dep sanaımyz, óıtkeni ol OPEK músheleri men uıymǵa kirmeıtin elder arasyndaǵy kelissózderdi bastap berdi jáne OPEK-tiń iri munaı óndirýshi elderine jaǵdaıdy ózgertý úshin bir nárse isteý qajettigin kórsetti», - dep atap ótti Zıngane.
OPEK elderi (Irandy qospaǵanda), sondaı-aq Reseı, Qazaqstan, Ázerbaıjan, Oman jáne Bahreın qatysqan Katardaǵy kezdesý nátıje bermedi.
