Irannyń munaı eksportynan alǵan tabysy bes esege qysqardy
ASTANA. QazAqparat - Iran eliniń Energetıka mınıstri Hamıd Chıtchııan memlekettik bıýdjettiń munaı eksportynan kiristeri shamamen bes esege tómendegenin málimdedi, dep habarlaıdy Tasnim agenttiginen.
2014 jyldyń 21 naýryzynan 2015 jyldyń 20 qańtaryna deıingi kezeńde Iranda munaıdy óndirý kólemi kúnine 2,5 mln. barrelden 1 mln. barrelge deıin qysqarǵany, al munaı baǵasy bir barrel úshin 100 dollardan 40 dollarǵa deıin quldyraǵany atap ótilgen.
«Iran ekonomıkasy ózine tán óte kúrdeli jaǵdaıda qalyp otyr», - dep atap ótti Chıtchııan, sonymen birge ol Irannyń tabandylyqqa úırenip, barlyq qıyndyqtardy eńsere alatynyn, senimmen alǵa qadam basatynyn atap kórsetti.
Mınıstr sondaı-aq Joǵarǵy eksporttaý keńesiniń baıandamasyna silteme jasap, eldegi munaıdan basqa sala eksportynyń sońǵy 10 aıda ótken jyldyń osy kezeńimen salystyrǵanda 25 paıyzǵa kóterilip, 46 mıllıard dollarǵa jetkenin atap kórsetti.
Chıtchııannyń pikirinshe, bul kórsetkishter Irannyń joǵary ekonomıkalyq áleýeti men onyń munaı kiristerine táýeldilikten arylyp kele jatqanyn baıqatady.
