Irannyń MAGATE basshysynyń baıandamasyna kóńili qaldy
ASTANA. Aqpannyń 22-si. QazAqparat - MAGATE bas dırektory ıÝkııa Amanonyń Irannyń ıadrolyq baǵdarlamasy boıynsha jaqynda jasaǵan baıandamasyna Iran Islam Respýblıkasynyń kóńili qalyp otyr. Bul týraly Iran Islam Respýblıkasy Syrtqy ister mınıstrliginiń ókili Ramın Mehmanparast IRNA agenttigine bergen suhbatynda málim etti,
dep habarlaıdy ITAR-TASS agenttigi.
«MAGATE óz abyroıyn saıasılandyrýdan jáne belgili bir memleketterdiń pármenin oryndaýdan saqtap qala alady dep úmittengen edik. Agenttik, Irannyń beıbit maqsattaǵy ıadrolyq qyzmetin quqyqtyq turǵydan qarastyrǵany jón», - dep atap kórsetti óz sózinde Iran dıplomaty.
Al Iran Parlamentiniń spıkeri Álı Larıdjanı óz kezeginde, MAGATE baıandamasynda jasalǵan túıinderdi «Agenttikke abyroı ápermeıtin jalǵan málimetter» dep atady. «Keıbir batys elderi MAGATE-niń jańa basshysynyń aıtqandarynyń negizinde, álemdik qoǵamdastyqty Irannyń beıbit maqsattaǵy ıadrolyq baǵdarlamasyna qatysty teris pikirge ıtermeleýde. Biraq ta, bul áreketter Irandy tańdaǵan jolynan qaıtara almaıdy», dep málim etti Larıdjanı.
MAGATE-niń jańa bas hatshysy ıÝkııa Amano ótken beısenbi kúni Irannyń ıadrolyq baǵdarlamasy boıynsha alǵashqy baıandamasyn jasaǵan bolatyn. Ol qujattyń mazmuny «Irannyń MAGATE-men jete yntymaqtaspaýynyń saldarynan, agenttik Irannyń barlyq ıadrolyq materıalynyń beıbit maqsatta ekenin rastaı almaıdy» degenge saıady.
