Irannyń Kangan portynda alapat órtten 25 keme órtenip ketti
ASTANA. QazAqparat - Juma kúni keshke Irannyń ońtústigindegi Kangan portynda alapat órtten on úsh saýda kemesi, sondaı-aq on eki balyqshylar shhýnasy jáne serýendeıtin katerler órtenip ketti, dep habarlaıdy reseılik TASS agenttigi .
Býsher provıntsııasynyń porttar jáne keme qatynasy basqarmasynyń basshysy Mohammad Mehdı Pandjarıdiń aıtýynsha, adam shyǵyny bolmaǵan
«Qurylǵyǵa baılanǵan bir kemede sý aıdaıtyn sorǵy órtenip, jalyn aınalaǵa tez tarady. Abyroı bolǵanda, kemelerde ekıpaj bolmaǵandyqtan, adam shyǵyny joq», - dep atap ótti sheneýnik.
Onyń aıtýynsha, 2 mln dollardan astam materıaldyq shyǵyn kelgen.
IRNA agenttiginiń derekterine sáıkes, órt bolǵan kezde aılaqta 200-den astam júzý quraly baılanyp turǵan. Birneshe saǵatqa sozylǵan jalyndy aýyzdyqtaý kezinde segiz adam kúıik shalyp, ýlanǵan. Zardap shekkender aýrýhanaǵa jetkizilip, qajetti medıtsınalyq kómek kórsetildi.
