Irannyń tsıtrýs ónimderi Syr óńirine kóptep ákelinbek
Qyzylordada ótip jatqan «Baikonyr Invest» ınvestıtsııalyq forýmy aıasynda Iran Islam Respýblıkasynyń Tótenshe jáne Ókiletti Elshisi Damırchılý Modjtaba ımporttaıtyn qoı etiniń bir bóligin Syr óńirinen satyp alýǵa daıyn ekendigin jetkizdi.
Qyzylorda oblysynan birer jyl kóleminde birikken kásiporyn salynady dep josparlanýda. Bıyl Iranǵa 10 myń bas qozy eksporttalǵan edi. Al birikken kásiporyn iske qosylǵannan keıin ırandyqtar Syr óńirinen tiri maldy emes, ony et kúıinde satyp almaq.
Sondaı-aq, tsıtrýs ónimderiniń 55 paıyzy osy Iranda óndiriledi eken. Munda jylyna jınalatyn 2 mln tonnadan asa jemis-jıdektiń bir bóligi Syr eliniń saýda sórelerinen oryn alýy múmkin degen boljam bar. Bul rette oblystyq aýyl sharýashylyǵy basqarmasynyń basshysy Baqyt Jahanov Iran tarapy jemis-jıdekterimen bizdiń oblysty, jalpy Qazaqstannyń barlyq aımaǵyn qamtamasyz etýge múddeli ekenin málimdedi.
Qyzylorda oblysy men Irannyń birqatar aımaǵy ekonomıkalyq yntymaqtastyqty arttyrýǵa nıetti. Saýda-logıstıkalyq ortalyqtardyń jumysyn uıymdastyrý týraly kelisim jasaldy. Ásirese, aýyl sharýashylyǵy salasynda birneshe joba birlesip júzege asyrylady. Búginde «Aqtóbe ı K» JShS «Torem Hoshemı» sortyn 70 gektarǵa ekti. «Syr marjany» seriktestigi de ónimdi sortty testileýden ótkizdi.
Bıyl Iranǵa atalǵan sorttyń 60 tonnasy eksporttalady. Sonymen qatar 2020 jylǵa qaraı ırandyq kúrish alqaptaryn oblysta 5 myń gektarǵa deıin ulǵaıtyp, eksport kólemin 8 myń tonnaǵa jetkizý kózdelip otyr.
Eske sala keteıik, keshe ІH «Baikonyr Invest» ınvestıtsııalyq forýmy jumysyn bastaǵandyǵy týraly habarlaǵan bolatynbyz.