Irannyń birqatar provıntsııasynda koronavırýs saldarynan sabaqtar toqtatyldy
TEGERAN. IRNA - QazAqparat – Irannyń birqatar provıntsııasynyń bıligi koronavırýs taralmaýy úshin birqatar oqý oryndaryn jabý týraly sheshim qabyldady, dep habarlaıdy QazAqparat IRNA-ǵa silteme jasap.
Alǵash ret koronavırýs tirkelgen Kým provıntsııasynda eki kúnge - jeksenbi jáne dúısenbi kúnderi barlyq mektepter men joǵary oqý oryndaryn jabý týraly sheshim qabyldandy. Sondaı-aq, Tegeran, Kermanshah, Hamedan, Kazvın, Ardebıl, Mazandaran, Alborz jáne Golestan provıntsııalary da osyndaı uıǵarymǵa keldi. Markazı jáne Gılıan provıntsııalarynda oqý oryndaryn bir aptaǵa jabý týraly sheshim qabyldandy.
Budan bólek, koronavırýstyń taralýyna jol bermeý jedel shtaby elde 10 kúnge – 24 aqpannan 5 naýryzǵa deıin barlyq sporttyq sharalardyń toqtatylǵanyn habarlady. Irannyń mádenıet mınıstrligi de 28 aqpanǵa deıin elde eshqandaı mádenı baǵdarlama bolmaıtynyn jarııalady. Iranda jańa tıpti koronavırýs juqtyrǵandar sany 29 adamǵa jetti, alty adam qaıtys boldy.
